Friday 14 November 2008

ਸੂਰਾ ਸੋ ਪਹਿਚਾਨੀਐ (ਸ਼ਰਧਾਂਜਲੀ)

( 16 ਨਵੰਬਰ ਨੂੰ ਗ਼ਦਰ ਲਹਿਰ ਦੇ "ਬਾਲਾ ਜਰਨੈਲ" ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਦੀ 93ਵੀਂ ਬਰਸੀ ਹੈ । ਸੰਨ 1915 'ਚ ਆਪ ਨੂੰ ਫ਼ਾਂਸੀ ਦਿੱਤੀ ਗਈ । ਉਸ ਵਕਤ ਆਪਦੀ ਉਮਰ 20 ਵਰ੍ਹਿਆਂ ਤੋਂ ਵੀ ਘੱਟ ਸੀ।)
ਇਹ ਕੋਈ ਗ਼ੈਰ ਵਾਜਬ ਉਲਾਂਭਾ ਨਹੀਂ ਹੋਵੇਗਾ ਕਿ ਪੰਜਾਬੀਆਂ ਨੇ ਇਤਿਹਾਸ ਸਿਰਜਿਆ ਤਾਂ ਬਥੇਰਾ ਹੈ,ਪਰ ਸਾਂਭਿਆ ਥੋੜ੍ਹਾ ਹੈ। ਇਹ ਇਤਹਾਸਕਾਰਾਂ ਦਾ ਕੰਮ ਹੈ । ਪਰ ਸਾਡਾ ਸਾਹਿਤ ਆਪਣੀ ਬੁਕੱਲ੍ਹ 'ਚ ਪੰਜਾਬ ਦੇ ਸੂਰਮੇ ਪੁੱਤਰਾਂ ਦੀਆਂ ਅਨੇਕਾਂ ਬੀਰ ਗਥਾਵਾਂ ਸਾਭੀਂ ਬੈਠਾ ਹੈ। ਹਥਲਾ ਗੀਤ ਪੰਜਾਬੀ ਮਨ੍ਹਾਂ 'ਚ ਲੋਕ-ਗੀਤ ਵਾਂਗੂੰ ਅੰਕਿਤ ਹੋ ਚੁੱਕਿਆ ਹੈ, ਇਸ 'ਚ ਸ਼ਹੀਦ ਕਰਤਾਰ ਸਿੰਘ ਸਰਾਭੇ ਹੁਣਾਂ ਦਾ ਦੇਸ-ਵਾਸੀਆਂ ਦੇ ਨਾਓਂ ਸੰਦੇਸ਼ ਹੈ:



ਹਿੰਦ ਵਾਸੀਓ ਰੱਖਣਾ ਯਾਦ ਸਾਨੂੰ

ਕਿਤੇ ਦਿਲਾਂ 'ਚੋਂ ਨਾ ਭੁਲਾ ਜਾਣਾ

ਖਾਤਰ ਵਤਨ ਦੀ ਲੱਗੇ ਹਾਂ ਚੜ੍ਹਨ ਫਾਂਸੀ

ਸਾਨੂੰ ਵੇਖਕੇ ਨਾ ਘਬਰਾ ਜਾਣਾ

ਸਾਡੀ ਮੌਤ ਨੇ ਵਤਨ ਵਾਸੀਆਂ ਦੇ

ਦਿਲੀਂ ਵਤਨ ਦਾ ਇਸ਼ਕ ਜਗਾ ਜਾਣਾ

ਹਿੰਦ ਵਾਸੀਓ ਚਮਕਣਾ ਚੰਦ ਵਾਂਗੂੰ

ਕਿਤੇ ਬੱਦਲੀ ਹੇਠ ਨਾ ਆ ਜਾਣਾ

ਕਰਕੇ ਦੇਸ਼ ਨਾਲ ਧ੍ਰੋਹ ਯਾਰੋ

ਦਾਗ਼ ਕੌਮ ਦੇ ਮੱਥੇ ਨਾ ਲਾ ਜਾਣਾ

ਮੂਲਾ ਸਿੰਘ, ਕ੍ਰਿਪਾਲ ਨਵਾਬ ਵਾਂਗੂੰ

ਅਮਰ ਸਿੰਘ ਨਾ ਕਿਤੇ ਕਹਾ ਜਾਣਾ

ਜੇਲ੍ਹਾਂ ਹੋਣ ਕਾਲਜ ਵਤਨ ਸੇਵਕਾਂ ਦੇ

ਦਾਖ਼ਲ ਹੋ ਕੇ ਡਿਗਰੀਆਂ ਪਾ ਜਾਣਾ

ਹੁੰਦੇ ਫ਼ੇਲ ਬਹੁਤੇ ਤੇ ਪਾਸ ਥੋੜੇ

ਵਤਨ ਵਾਸੀਓ ਦਿਲ ਨਾ ਢਾਅ ਜਾਣਾ

ਪਿਆਰੇ ਵੀਰਨੋ ਚੱਲੇ ਹਾਂ ਅਸੀਂ ਜਿੱਥੇ

ਇਸੇ ਰਸਤਿਓਂ ਤੁਸੀਂ ਵੀ ਆ ਜਾਣਾ

ਹਿੰਦ ਵਾਸੀਓ ਰੱਖਣਾ ਯਾਦ ਸਾਨੂੰ....







Superblog Directory
Free Blog Directory

2 comments:

Gurinderjit Singh said...

Thanks for sharing, valuable post, I don't think our next generation knows our heroes.

ਦੀਪਇੰਦਰ ਸਿੰਘ said...

Sad but true.
ਪਰ ਕਿਹਾ ਜਾਂਦੈ ਕਿ ਜੇ ਤੁਸੀਂ ਬੀਤੇ 'ਤੇ ਗੋਲੀ ਚਲਾਉਗੇ ਤਾਂ ਭਵਿੱਖ ਤੁਹਾਨੂੰ ਤੋਪ ਨਾਲ ਫੁੰਡੇਗਾ.....